«Bóbektiń» orys tilinde alǵashqy on-laın rejımindegi dárisi ótti
ALMATY. 26 mamyr. QazAqparat /Názıra Eleýhan/ - Búgin Almatyda «Bóbek» ulttyq ortalyǵynda «Ózin-ózi taný» páni boıynsha orys tilinde on-laın rejıminde alǵashqy sabaqtar uıymdastyryldy
Oǵan respýblıka boıynsha 130 bilim berý mekemeleri qatysty. «Ózin-ózi taný» pánin bastaýysh synyptarda oqytý ádistemesi» taqyrybynda ótken dáris bastaýysh synyptyń muǵalimderine arnaldy. Dáristi Adamnyń úılesimdi damýy ınstıtýtynyń jetekshi ǵylymı qyzmetkeri, «Ózin-ózi taný» páni boıynsha oqý-ádistemelik quraldardyń avtory Irına Kalacheva júrgizdi. 45 mınýtqa sozylǵan dáristeme barysynda muǵalimder ózin-ózi taný boıynsha týyndalǵan suraqtaryn qoıdy. Saýaldardyń basym bóligi oqytý ádistemeligi jaıynda jáne oqýlyqtyń qamtamasyz etilýi jóninde boldy. Saýaldarǵa Adamnyń úılesimdi damýy ınstıtýtynyń bilikti mamandary ǵylymı hatshy Lýıza Jubatova, bilim berý baǵdarlamalarynyń bólim bastyǵy Sharıhan Baıǵunaqova, jetekshi ǵylymı qyzmetker Rabıǵa Іzǵuttynova jaýap berdi.
«On-laın rejıminiń bir tıimdiligi alys jatqan aımaqtarda, máselen oblystarda jumys isteıtin muǵalimderge ýaqytyn únemdep tájirıbemen almasýǵa jáne kókeıde júrgen ózekti saýaldardyń jaýabyn alýǵa múmkindik beredi»,-deıdi Adamnyń úılesimdi damýy ınstıtýtynyń mamandary.
Instıtýttyń ǵylymı hatshysy Lýıza Jubatovanyń aıtýynsha, aldaǵy ýaqytta osy syndy dárister aıyna eki ret eki tilde-orys jáne qazaq tilinde ótip turatyn bolady.
