«Bóbek» Ulttyq ǵylymı-tájirıbelik, bilim berý jáne saýyqtyrý ortalyǵynyń Bas dırektory qyzmetine Aqberen Elgezek taǵaıyndaldy
ALMATY. 23 tamyz. QazAqparat /Názıra Eleýhan/ - «Bóbek» Ulttyq ǵylymı-tájirıbelik, bilim berý jáne saýyqtyrý ortalyǵy» RMQK Bas dırektory mindetine Elgezek Aqberen Elgezekuly taǵaıyndaldy» - dep habarlaıdy «Bóbek» Ulttyq ortalyǵynyń baspasóz qyzmeti.
Atalmysh ortalyqta osy ýaqytqa deıin Bas dırektory qyzmetin atqaryp kelgen Qarymsaqov Tilek Ýálıuly «Qazaqstan Respýblıkasynyń Bilim jáne ǵylym mınıstriniń buıryǵymen qyzmetinen bosatylǵan.
Aqberen Elgezek - 1980 jyly, Almaty qalasynda dúnıege kelgen. Semeı oblysy Shubartaý aýdany, Mádenıet aýylynyń E.Rahmadıev atyndaǵy orta mektepti bitirgen. Ál-Farabı atyndaǵy QazMUÝ tarıh fakýltetiniń túlegi. Qazaqstan Jazýshylar Odaǵynyń múshesi. Memlekettik «Daryn» jastar syılyǵynyń ıegeri. Ol jańa qyzmet ornyna deıin, «Bóbek» UǴTBSO janyndaǵy Adamnyń úılesimdi damýy ınstıtýtynyń dırektory qyzmetin atqarǵan.
