«Bóbek» ortalyǵynyń resmı saıty ashyldy
ALMATY. 20 mamyr. QazAqparat /Názıra Eleýhan/ - Elimizdegi «Bóbek» Ulttyq ǵylymı-praktıkalyq, bilim berý jáne saýyqtyrý ortalyǵynyń resmı saıty (www.bobek.kz) ashyldy.
Zamanaýı aqparattyq tehnologııalardyń áleýetin tıimdi paıdalaný maqsatynda ashylǵan saıtta Ulttyq ortalyq pen oǵan qarasty qurylymdyq mekemeler qyzmeti men atqarylyp jatqan is-sharalar týraly jańalyqtar, «Ózin-ózi taný» páni boıynsha elektrondyq kitaphana katalogy jáne t.b. málimetter ornalastyrylatyn bolady. Sondaı-aq, saıttan «Samopoznanıe.KZ» respýblıkalyq ǵylymı-ádistemelik jýrnalynda jaryq kórgen úzdik materıaldardyń elektrondyq nusqasyn oqýǵa bolady.
«Ózin-ózi taný» jobasy 2001 jyly Sara Nazarbaevanyń bastamasymen qolǵa alynǵan bolatyn. Joba 2010 jylǵa deıin 9 jyl boıynda arnaıy eksperımentaldy alańdarda oqytylǵannan keıin 2010-2011 oqý jylynan bastap bilim berýdiń barlyq deńgeılerinde bazalyq pán retinde engizildi. Osyǵan baılanysty ortalyq «Ózin-ózi taný» páni árbir oqýshyǵa sapaly ári sanaly túrde jetkizilýi tıis dep sanaıdy. "Bul rette www.bobek.kz saıty ustazdar men oqýshylar, ata-analar men basqa da azamattar úshin paıdaly málimet kózi bola alady",-deıdi ortalyqtyń baspasóz qyzmeti.
