Bob Dılan Nobel syılyǵyn qabyldaıtyn boldy
ASTANA. QazAqparat - Amerıkalyq mýzykant jáne aqyn Bob Dılan Shvetsııa akademııasymen baılanysqa shyǵyp, qazan aıynyń ortasynda taǵaıyndalǵan ádebıet boıynsha Nobel syılyǵyn qabyldaıtynyn aıtty, dep habarlaıdy QazAqparat lenta.ru-ǵa silteme jasap.
Syılyqty uıymdastyrý komıtetiniń saıtynda Dılannyń: «Syılyqty qabyl alamyn ba? Árıne», - dep jaýap bergen sózderi keltirilgen.
Jeltoqsan aıynda ótetin marapattaý rásiminde Dılan tóbe kórsetedi me, joq pa - belgisiz.
Mýzykant qazan aıynyń ortasynda ádebıet boıynsha Nobel syılyǵynyń laýreaty atandy. Oǵan syılyqtyń taǵaıyndalǵany týraly jarııalanǵannan keıin Dılan kóp uzamaı Las-Vegaste kontsert berdi. Biraq onyń barysynda ádebıet boıynsha syılyq týraly eshteńe aıtpaǵan.
Buǵan deıin Shvetsııa akademııasy Bob Dılanmen baılanysqa shyǵý áreketterin doǵarǵanyn aıtqan bolatyn. Akademıkter oǵan habarlasa almaǵan.
Bob Dılan ánniń mátinderi úshin ádebıet boıynsha syılyqqa ıe bolǵan Nobel syılyǵynyń alǵashqy laýreaty.
2016 jyly syıaqy kólemi segiz mıllıon shvetsııalyq krondy qurady (923 myń AQSh dollary).
