Bob Dılan Nobel syılyǵyn alýǵa kelisti
ASTANA. QazAqparat - Amerıkalyq mýzykant jáne aqyn Bob Dılan aldaǵy demalysta Nobel syılyǵyn alatyn boldy.
Bul týraly sársenbi, 29 naýryzda «Bı-bı-sı» habarlady.
Shved akademııasynyń ókilderi laýreatpen Stokgolmde kezdesetinin aıtty, ol jerde onyń eki kontserti josparlanǵan.
Onyń syılyq alý úshin mindetti bop sanalatyn dástúrli Nobel dárisin oqymaıtyny, vıdeojazba jiberetindigi atap ótilgen.
Budan buryn akademııa hatshysy Dılanǵa eger ol 10 maýsymǵa deıin mátindi oqymasa, segiz mıllıon shved kronyn (911 myń dollar) quraıtyn aqshalaı syılyq berilmeıdi degen úzildi-kesildi talap qoıǵan.
Shved akademııasy Bob Dılanǵa «Amerıkalyq án dástúri aıasynda jańa aqyndyq máner qalyptastyrǵany úshin» tujyrymymen 2016 jylǵy 13 qazanda Nobel syılyǵyn taǵaıyndaǵan. Mekeme ókilderi uzaq ýaqyt mýzykantpen baılanysqa shyǵa almaǵan, aqyr sońynda ol syılyqty tabystaý rásimine qatysýdan bas tartqan.
