Bob Arým Gennadıı Golovkın men Hılberto Ramıres jekpe-jegin uıymdastyrmaq
ASTANA. QazAqparat - 9 sáýirde meksıkalyq Hılberto Ramıres (33-0, 24 KO) WBO nusqasy boıynsha ekinshi orta salmaqtaǵy ( 76,2 kg deıin) álem chempıony tıtýlyn armıan, Germanııa ókili Artýr Abrahamnan (44-4, 29 KO) tartyp alǵan jaǵdaıda promoýteri Bob Arým onyń orta salmaqtaǵy WBA/IBF/IBO chempıony qazaqstandyq Gennadıı Golovkınmen (34-0, 31 KO) kezdesýin uıymdastyrýǵa barynsha áreket etýdi kózdep otyr.
«NVO-men mundaı múmkindikti talqylap jatyrmyz, - dedi Arým ESPN Deporteske bergen suhbatynda. - Eger Ramıres Abrahamdy jeńse, ol Golovkınmen jáne kishi Chavespen kezdesýi múmkin».
Eske sala keteıik, Golovkın 23 sáýirde amerıkalyq Domınık Ýeıdpen (18-0, 12 KO) kezdesedi dep josparlanǵan, dep habarlady sports.kz.
