Boao qalasynda Qazaqstan men Qytaı strategııalyq áriptestik máselelerin qarastyrdy
ASTANA. KAZINFORM – Haınan provıntsııasynyń Boao qalasynda Boao Azııa forýmynyń 25-shi jyl saıynǵy sessııasyna qatysý aıasynda Qazaqstan Respýblıkasy Premer-mınıstriniń birinshi orynbasary R.Sklıardyń Qytaı Halyq Respýblıkasynyń Búkilqytaılyq halyq ókilderi jınalysy Turaqty komıtetiniń tóraǵasy Chjao Letszımen kezdesýi ótti.
R.Sklıar QHR BHÓJ TK tóraǵasyn «eki sessııanyń» tabysty ótýimen jáne Qytaıdyń 2026–2030 jyldarǵa arnalǵan áleýmettik-ekonomıkalyq damý josparynyń qabyldanýymen quttyqtady.
2026 jylǵy 15 naýryzda ótken jańa Konstıtýtsııany qabyldaý jónindegi respýblıkalyq referendýmnyń qorytyndylary týraly aqparat berip, onyń Qazaqstannyń odan ári damýy úshin mańyzdylyǵyn atap ótti.
Eki el arasyndaǵy parlamentaralyq baılanystar salasyndaǵy nátıjeli yntymaqtastyqty, sondaı-aq saýda-ekonomıkalyq áriptestiktiń serpindi damýyn, ınvestıtsııalar, kólik jáne energetıka salalaryndaǵy ózara is-qımyldy atap kórsetti.
Chjao Letszı qytaı tarapy Qazaqstanmen máńgilik jan-jaqty strategııalyq áriptestiktiń joǵary senimge negizdelgen qatynastaryna erekshe mán beretinin basa aıtty.
Qazaqstanda júrgizilip jatqan reformalar men Qazaqstan Respýblıkasynyń Prezıdenti Q.K.Toqaevtyń eldiń odan ary órkendeýine baǵyttalǵan bastamalaryna qoldaý bildirdi.
Taraptar sondaı-aq BUU, ShYU, AÓSShK jáne «Ortalyq Azııa – Qytaı» sııaqty kópjaqty formattardaǵy yntymaqtastyqtyń mańyzdylyǵyna toqtaldy.
Buǵan deıin Úkimet Qazaqstanda kómir generatsııasyn damytý jónindegi Ulttyq jobany bekitkenin jazǵan edik.
