Bo Sılaıǵa ómir boıy túrmede otyrýǵa úkim shyǵaryldy
ASTANA. 22 qyrkúıek. QazAqparat - Qytaı Kompartııasynyń (QKP) Chýntsın qalasyndaǵy burynǵy hatshysy Bo Sılaıǵa ómir boıy túrmede otyrýǵa úkim shyǵaryldy, dep habarlady RBK.
Reuters agenttiginiń habaryna qaraǵanda,sot ony sybaılas jemqorlyqqa, paraqorlyqqa jánk qyzmettik ókilettigin asyra paıdalanýǵa aıypty dep tanydy,
Bo Sılaıǵa 4,3 mln. dollarǵa tarta qarjyny jymqyrǵan degen aıyp taǵyldy. Oǵan qarsy sot úderisi 22 tamyzda bastaldy.
Buryn B.Sılaı bolashaǵy zor saıasatkerlerdiń biri dep sanaldy jáne QHR tóraǵasy laýazymyna Hý Tszıntaodan keıingi yqtımal adamdardyń biri dep qaraldy. Onyń mansaby 2012 jylǵy sáýirde zaıyby Gý Kaılaı brıtandyq kásipker Nıl Heıvýdty óltirýge kúdiktelgennen keıin qurdymǵa ketti.
Sot budan buryn onyń áıelin ólim jazasyna kesip, úkimniń oryndalýyn eki jylǵa keıingi qaldyrǵan bolatyn. 2012 jvylǵy qyrkúıekte B.Sılaı QKP qatarynan shyǵaryldy, al qazan aıynda oǵan qarsy qylmystyq is qozǵaldy.
B.Sılaı isi boıynsha sot úderisi barysynda oǵan qarsy áıeli kýálik bergenin atap ótken jón. Saıasatkerdiń ózi aıybyn moıyndamaıdy. .
