BMW júrgizýshisiz basqarylatyn kólik shyǵarmaq
ASTANA. QazAqparat - Germanııanyń BMW avtomobıldik kontserni júrgizýshisiz basqarylatyn kólik shyǵarmaq, dep jazady Habar 24.
Kompanııa osyǵan baılanysty Mıýnhen janynan ǵylymı-tehnıkalyq qalashyq salýdy kózdep otyr. Qurastyrýshylardyń aıtýynsha, bul kólikter 2021 jyldan bastap satyla bastaıdy. Qazir joba synaqtan ótkizilip jatyr.
Júrgizýshisiz basqarylatyn kólikti úıden shyqpaı-aq, mobıldi qosymsha arqyly basqarýǵa bolady. Jáne avtomobıl qaýipsizdik belbeýin taqqan kezde ǵana otalady.
«Bul kólikti 10 jyldan beri qurastyryp kelemiz. Eń alǵashqy nusqasy 2006 jyly halyq nazaryna usynylǵan edi. Ol jol tańdamaıdy. Endigi jospar - olardy naryqqa shyǵarý», - deıdi BMW kontserniniń ókili Dırk Vısselmann.
