BMW júrgizýshisi Qaraǵandydaǵy janarmaı quıý stansasynyń ǵımaratyna kirip ketti
QARAǴANDY. QazAqparat - Qaraǵandyda janarmaı quıý stansasynyń (JQS) aýmaǵynda jol-kólik apaty oryn aldy, dep habarlaıdy «QazAqparat» HAA tilshisi oblystyń ІІD baspasóz qyzmetine silteme jasap.
«Aldyn ala derekter boıynsha, Qaraǵandyda 11 qańtar kúni jyldamdyqty shekten asyrǵan 29 jastaǵy BMW avtomashınasynyń júrgizýshisi Bóketov pen Táttimbet kósheleriniń qıylysynda ornalasqan JQS ǵımaratyna kirip ketti. JKA deregi boıynsha, QR Ákimshilik kodeksi 610-babynyń 1-tarmaǵyna sáıkes ákimshilik hattama toltyryldy. Zardap shegýshiler joq. Qajetti ekspertızalar taǵaıyndaldy», - dedi oblystyq ІІD baspasóz qyzmetiniń basshysy Baqytjan Qudııarov.
Onyń aıtýynsha, JQS-ǵa keltirilgen zalaldyń somasy anyqtalýda.
Oqıǵa barysyndaǵy fotolar men vıdeolar áleýmetti jelige tarap ketti. Kadrda kórsetilgendeı, avtomobıl JQS ǵımaratyna kirip ketip, shyny qurylymdy soqty.
