«BMW» Ońtústik Koreıadaǵy 55 myń kólikti keri qaıtaryp berýge shaqyrdy
ASTANA. QazAqparat - Germanııanyń «BMW» kólik shyǵarýshy kompanııasy Ońtústik Koreıada satylǵan 55 myńnan astam avtomobılin keri shaqyrtyp jatyr, delingen eldiń kólik mınıstrliginiń málimdemesinde, dep habarlady «VVS» agenttigi.
Shaqyrtýǵa «BMW» jáne enshiles «Mini» kompanııasy kólikteriniń 24 modelinde gaz úlestirý mehanızminen shyqqan aqaý sebep bolyp otyr.
BMW-dan basqa, «Volvo» avtomobılderi men «Harley Davidson» mototsıklderin Koreıadaǵy ımporttaýshylary shaqyrtýǵa májbúr.
Buǵan deıin osy aptada nemistiń basqa kólik shyǵarýshysy, Volkswagen kontsernine qatysty janjal oryn alǵan.
