BMW kontserni kólikterin satý boıynsha rekord jańartty
ASTANA. QazAqparat - BMW-nyń negizgi básekelesteri - Audi men Mercedes kólikteri de 2015 jyly kóp satyldy, alaıda alǵashqy kompanııany olar basyp oza almady, dep jazady VVS agenttigi.
«Bayerische Motoren Werke» AG» (BMW) avtokontserni 2014 jylmen (6,1 paıyz) salystyrǵanda, 2015 jyly kólik satý boıynsha rekord ornatqan.
Nemis óndirýshisi bes jyl qatarynan «lıýks» synybyndaǵy satylǵan kólik sany boıynsha eń joǵarǵy nátıjege qol jetkizdi.
Álem boıynsha BMW, MINI jáne Rolls-Royce markaly 2, 247 mıllıon kólik satylǵan, delingen kompanııa esebinde.
BMW satylý kóleminiń ósimi - Eýropada - 9,4%, Amerıkada 2,8%, Azııada - 4,2%-ǵa artqan. Al, Qytaıda satylym kólemi nebary 1,7%-ǵa ósken.
Nemis avtokontserni nátıjeleri 2015 jyly jeltoqsanda satylym 0,8 paıyzǵa tómendemegende budan da joǵary bolar edi.
BMW basshylyǵy 2015 jyldy sátti jyl dep sanaıdy. Osy oń úrdis 2016 jyly da saqtalady degen úmitte.
