BMW kontserni Astanada avtosalon ashady
ASTANA. Mamyrdyń 28-i. QazAqparat /Jasulan Amanbaıuly/ - BMW kompanııasy Astanada avtoortalyq ashady.
Búgin, mamyrdyń 28-i kúni avtosalon qurylysynyń alǵashqy kirpishi qalandy. Onyń kólemi 2 myńnan astam sharshy metrdi quraıtyn bolady. Jobaǵa 3 mln. AQSh dollary kóleminde ınvestıtsııa salyndy.
Germanııa Federatıvtik Respýblıkasynyń Qazaqstandaǵy Elshisi Raıner Shlagetterdiń aıtýynsha, BMW kontserni Qazaqstannyń ekonomıkasy qarqyn ala bastaǵan sátinde durys sheshim shyǵaryp, elge ınvestıtsııalar salýda. Al Astana qalasy bul jańa múmkindikter men ozyq jetistikter sımvoly.
«Bundaı sheshim BMW kompanııasynyń qazaqstandyq naryqqa, qazaqstandyqtardyń atalmysh brendke senimdiligin bildiredi», dep atap kórsetti Elshi.
Atalmysh ortalyqta 70 orynǵa jumys ashylady. Sonymen qatar kompanııa JOO-ymen baılanys ornatyp, onda oqyp júrgen stýdentterdi tájirıbe jınaqtaý maqsatynda jumys isteýge shaqyrady.
