BMW gıbrıdti sportkardy tanystyrdy
ASTANA. QazAqparat - BMW i8 gıbrıdti sporttyq avtokóligi tanystyryldy.
Benzındi qozǵaltqysh pen elektrli jetektiń úılesýi arqyly kóliktiń at kúshi 362-ge jetkizildi. Atap aıtqanda ol 100 shaqyrymǵa nebári 2,1 lıtr jaǵarmaı jumsaıdy eken.
Kólik salony berik ýgleplastıkten jasalǵan. Munymen qosa mashınanyń qurylysynda alıýmınıı, magnıı men juqa shynynyń paıdalanylýy onyń salmaǵyn óte jeńil etti.
Jańa BMW 100 shaqyrym/saǵat jyldamdyqqa 4,4 sekýndta jetedi.
BMW i8 quny 126 myń eýrodan bastalady, al qosymsha aqyǵa jalpaq shına men lazerli jaryq qurylǵylaryn ornatýǵa bolady, dep habarlaıdy sheteldik BAQ.
