BMW elektr energııasymen júretin alǵashqy skýterin satylymǵa shyǵarmaq
ASTANA. QazAqparat - BMW elektr energııasymen júretin kólik quraldarynyń qataryn jańartýdy jalǵastyrýda. Nemistiń bul kompanııasy «C evolution» atty markanyń alǵashqy elektrli maksıskýterin tanystyrdy.
8 kVt batareıalary arnaıy qurylǵydan nemese úıdegi kádimgi elektr jelisinen qýat alady. Onyń 80 paıyz deńgeıinde qýattanýy eki saǵat merzimde jetedi. Jalpy batareıalardyń kúshi shamamen 100 shaqyrym jerdi baǵyndyrýǵa qaýqarly.
Eki dóńgelekti ekologııalyq jáne mobıldi kóliktiń quny 15 750 eýroǵa baǵalanyp otyr. Skýterdiń salmaǵy 265 keli jáne onyń qozǵaltqyshy 47,5 at kúshine teń
Atap aıtqanda bul kólik qala joldaryndaǵy keptelisterden ótýge arnalǵan, dep jazady sheteldik BAQ.
