BMW akkýmýlıator aqaýy sebebinen 570 myń avtomobıldi keri qaıtaryp alýda

Basty sebebi akkýmýlıator klemmasynyń aqaýy boldy, onyń saldarynan mashına álsin-áli sónip qala beredi, dep habarlady RBK.

.Avtomobıldi keri qaıtaryp alýǵa 2007-2011 jyldary satylǵan úshinshi serııadaǵy barlyq modelder qatary jatady. Sondaı-aq qyzmet kórsetý baǵdarlamasyna 2008-2012 jyldary shyǵarylǵan birinshi serııadaǵy kýpe men kabrıoletter jáne 2009-2011 jyldarda shyǵarylǵan sportkar Z4 iligedi.

AQSh kólik qaýipsizdigi baqylaýy federaldyq qyzmetiniń mamandary paıdalaný kezinde akkýmýlıator klemmosy, sondaı-aq elektr symdarynyń basqa da elementteri tez isten shyǵatynyn, sonyń saldarynan dvıgateldi otaldyrýda problemalar paıda bolatynyn anyqtady.

BMW-nan habarlaǵandaı, kompanııaǵa dvıgateldiń bul problemasy jol-kólik oqıǵasyna ákelip soqqany da belgili bolǵan. Jumystar osy jylǵy naýryz aıynan bastap barlyq resmı tehnıkalyq qyzmet kórsetý stansalarynda tegin júrgizilmek.