B.Momyshuly, Q.Qaısenov, Eset batyr: TJM-niń áskerı bólimderine qazaq batyrlarynyń esimi beriledi

ASTANA. KAZINFORM – Tótenshe jaǵdaılar mınıstrliginiń áskerı bólimine Ekinshi dúnıejúzilik soǵystyń dańqty batyry, Halyq qaharmany Baýyrjan Momyshulynyń esimi beriledi.

Kópshilik talqylaýyna shyǵarylǵan buıryq jobasynda Tótenshe jaǵdaılar mınıstrliginiń №28237 áskerı bólimin «Baýyrjan Momyshuly atyndaǵy 28237 áskerı bólimi» dep;

№ 68303 áskerı bólimin «Qasym Qaısenov atyndaǵy 68303 áskerı bólimi» dep;

№52859 áskerı bólimin «Martbek Mamraev atyndaǵy 52859 áskerı bólimi» dep;

№20982 áskerı bólimin «Kókiuly Eset batyr atyndaǵy 20982 áskerı bólimi» dep ataý usynylǵan.

Bul sheshimge Respýblıkalyq onomastıka komıssııasynyń 24 qańtardaǵy qorytyndysy negiz bolǵan.

Aıta ketý kerek, ıdeologııalyq turǵydan eskirgen ataýlardy qaıta ataý jónindegi 2022−2025 jyldarǵa arnalǵan jol kartasynyń aıasynda 3 myńǵa jýyq onomastıkalyq ataýdy Qazaqstannyń memlekettiligine saı etý kózdelgen.

Atalǵan qujattyń aıasynda 2021 jyly 68 eldi meken men olardyń 572 quramdas bóliginiń ataýlary ózgertilgen.