Blue Moon gaýhar tasyn 48,63 mln. dollarǵa satyp alǵan adamnyń esimi belgili boldy
ASTANA. QazAqparat - Jenevadaǵy Sotheby's bássaýdasynda Blue Moon gaýhar tasyn Gonkongta jyljymaıtyn múlik salasyndaǵy magnat Djozef Laý satyp aldy, dep habarlaıdy Sky News telearnasy.
Sotheby's bássaýda úıiniń ókilderi gaýhar tastyń ıesiniń esimin ataýdan bas tartyp, satyp alýshynyń Gonkongtan kelgen jeke toptamashy ekenin ǵana aıtty. Alaıda, bıznesmenniń keńsesinde Laýdyń Blue Moon gaýhar tasyn ǵana emes, buǵan deıin alqyzyl tústi Sweet Josephine gaýhartasyn da satyp alǵanyn rastady.
Naqtylanǵandaı, Laý Blue Moon-dy jeti jasar qyzyna syılyq retinde satyp alǵan. Salmaǵy 12,03 karat Blue Moon gaýhar tasy 48,63 mln. dollarǵa satyldy. Bul tas kógildir tústi gaýhar tastardyń eń qanyǵy ári tazalyǵy boıynsha eń jaqsysy bolyp esepteledi. Ol óz sanatyndaǵy tastardyń arasynda eń qymbaty boldy.
Blue Moon 2014 jyldyń qańtarynda Ońtústik Afrıkadaǵy shahtada tabylǵan almazdan jasaldy. Tasty Nıý-Iorkte bederleýge jarty jyl ýaqyt ketti.
Forbes málimetterine sáıkes, Laýdyń dáýleti 9,8 mlrd. dollarǵa baǵalanady.
