Bloomberg «jahandyq valıýtalyq soǵystyń» jańǵyrý qaýpi jóninde eskertti
ASTANA. QazAqparat - Jaqyn arada «jahandyq valıýtalyq soǵystyń» jańǵyrý qaýpi bar, dep eskertti Bloomberg. Ien men eýro ary qaraı kúsheıgen jaǵdaıda EOB men Japonııanyń Ortalyq banki monetarlyq yntalandyrý saıasatyn belsendi qylýy múmkin.
Agenttik ókili aıtqandaı, ıen men eýronyń kúsheıýi Japonııa men Eýropada aqsha-nesıelik yntalandyrý saıasatynyń belsendi bolýyna ákelýi múmkin, dep habarlady RBK.
Agenttik atap ótkendeı, ıen sońǵy aıda AQSh dollaryna qatysty úshinshi ret quny artty, al eýro negizgi valıýtalardyń kópshiligine qaraǵanda ósti. Hedj-qorlar ıen men biryńǵaı eýropalyq valıýtanyń kúsheıýine eń joǵarǵy deńgeıge deıingi boljam jasap otyr, dep jazdy Bloomberg.
AQSh ekonomıkasy men onyń aqsha-nesıe saıasatynyń ósiminiń ózge álemdikimen aıyrmashylyǵy qysqardy. Buǵan Qytaı ekonomıkasynyń ósiminiń sál báseńdeýi men ózge elderdiń ekonomıkasynyń teń dárejede qalypqa kelmeýi áser etti. Bul faktorlar dollarǵa áser etip, óz valıýtalarynyń álsiz bolýy Eýropalyq ortalyq bank (EOB) pen Japonııanyń ortalyq bankiniń josparymen sáıkes kelmeı otyr.
State Street Global Markets makroekonomıkalyq strategııa boıynsha qurylym basshysy Lı Ferrıdjdiń pikirinshe, ıen dollarǵa qatysty 115, al eýro $1,15 deıin nyǵaısa, monetarlyq yntalandyrý saıasaty iske qosylady.
Ótken aptanyń qorytyndysy boıynsha ıen 0,2% kúsheıip, dollar quny 116,98 ıen boldy. Eýro 16 negizgi valıýtanyń 11-ine qatysty kúsheıdi, sóıtip 1 eýro $1,0916 qurady.
Agenttik Japonııa Bankiniń tóraǵasy Harýhıko Kýrodtyń bank monetarlyq saıasattyń ózgerýine daıyn ekenin aıtty. EOB óz kezeginde 21 qańtardaǵy kezdesýde óz saıasatyn talqylaýdy josparlap otyr, dep atap ótti Bloomberg.
