Bloomberg: temir keni bir kúnde 19%-ǵa qymbattady
ASTANA. QazAqparat - Quramynda 62% temiri bar temir keni dúısenbi kúni 19%-ǵa qymbattap, bir tonnasynyń quny $63,79 jetti, dep habarlady «TASS» «Bloomberg» agenttigine silteme jasap.
Agenttik aqparatynsha, bul 2009 jyldan baǵanyń eń kóp kóterilýi bolǵan. Seısenbi onyń quny 0,2% arzandap, tonnasynyń baǵasy $63,63 jetti.
Qytaı naryqtyń joǵary segmentinde kenge degen suranystyń artýyn boljaǵannan keıin onyń baǵasy ósken.
Baǵanyń rekordtyq ósimi aıasynda álemdegi kendi óndirýshilerdiń irileriniń biri brazılııalyq Vale SA kompanııasy Fortescue Metals Group-pen kelisimge qol qoıdy. Bul kelisim brazılııalyq kompanııanyń mıllıarder Endrıý Forrestke tıesili Avstralııadaǵy shahtalardyń 15% ıelik etýine múmkindik beredi.
Forrest kásipornynyń bir bóligin satyp alýy úshin Vale SA $965 mln jumsaýy múmkin, dep habarlady Bloomberg. Ol qatysýshylarǵa birlesken kásiporyndar quryp, jańa ken oryndaryn qurýǵa jaǵdaı jasaıdy.
Vale SA jáne Fortescue birinshi kásiporny jarty jyl ishinde jumysqa kirisip, shamamen 80-100 mln tonna kendi jetkizýi múmkin, dep jazdy TASS.
