Bloomberg: Ormýz buǵazy arqyly táýligine 10 mıllıon barrelge deıin munaı tasymaldanady
ASTANA. KAZINFORM — Ormýz buǵazy arqyly tasymaldanatyn munaı kólemi táýligine 10 mıllıon barrelden asty. Bul týraly amerıkalyq ákimshilik ókiline silteme jasaǵan Bloomberg agenttigi habarlady.
Sheneýniktiń málimetinshe, budan bólek táýligine taǵy 5 mıllıon barrel munaı balama baǵyttar arqyly jetkiziledi.
Agenttik AQSh pen Izraıldiń Iranǵa qarsy operatsııasy bastalǵanǵa deıin Ormýz buǵazy arqyly kúnine shamamen 20 mıllıon barrel munaı tasymaldanǵanyn eske saldy.
Buǵan deıin Irannyń Jenevadaǵy BUU janyndaǵy turaqty ókili Alı Bahreını Ormýz buǵazy kommertsııalyq kemeler men halyqaralyq teńiz qatynasy úshin ashyq ekenin rastaǵan bolatyn.
Aıta keteıik, Irak munaıyn tıegen tanker Ormýz buǵazynan ótti.
