Bloomberg elektromobılderdiń saldarynan munaı baǵasy odan ári quldyraıtynyna boljam jasady
ASTANA. QazAqparat - Ótken jyly munaı baǵasy tómen bolsa da, búkil álemde elektromobılder satý kólemi 60 paıyzǵa ósti, dep habarlady Bloomberg agenttigi.
Eger ósimniń osyndaı qarqyny saqtalatyn bolsa, 2023 jylǵa qaraı munaıǵa suranystyń quldyraýy kúnine 2 mıllıon barrel bolmaq.
Taıaýdaǵy eki jyl ishinde Tesla jáne Chevrolet 200 mılge deıin (322 shaqyrymǵa teń) júrý resýrsy bar elektromobılder satýdy kúrt arttyrýdy josparlaýda. Mundaı mashınalardyń ortasha baǵasy 30 myń dollarǵa deıin tómendeıtin bolady, bul áleýetti klıentter bazasyn eleýli keńeıtýge múmkindik bermek.
Elektr dvıgateldi avtomobılder óndirisine sondaı-aq Ford, Volkswagen, Nissan jáne BMW sııaqty kompanııalar da mıllıardtaǵan dollar ınvestıtsııalaýda. Avtomobıl óndirýshilerden basqa osy naryqtaǵy múmkindikterge Apple men Google de kóz salyp otyr. .
Bul úrdis munaı naryqtary úshin problemaǵa aınalýy múmkin. OPEK 2040 jylǵa deıin elektromobılder avtomobılder satylymynyń álemdik kóleminde 1 paıyzdy ǵana quraıdy degen ýáj aıtýda. Elektromobılder naryǵyna Exxon kompanııasy da senimsizdikpen qarap otyr.
Munaı baǵalarynyń quldyraýy uzaqmerzimdi trendke aınaldy: eger ótken jylǵy aqpan aıynda Brent munaıynyń barreli 60 dollardan asqan bolsa, aǵymdaǵy jylǵy 24 aqpanda qara altyn barreline 33 dollar deńgeıinde satylýda.
