Bloomberg: AQSh esirtki kartelderimen kúreske 4 myń teńiz jaıaý áskerin jibermek

ASTANA. KAZINFORM – AQSh Qorǵanys mınıstrligi Latyn Amerıkasy mańyndaǵy aýdandarǵa 4 myńnan astam teńiz jáne teńiz jaıaý áskerin jumyldyrmaq. Bul Donald Tramptyń esirtki kartelderimen kúreske áskerdi jumyldyrý týraly málimdemesinen keıin qabyldanǵan sheshim. Bul týraly Bloomberg agenttigi aqparat kózderine silteme jasap habarlaıdy.

Derekkózdiń aıtýynsha, Ortalyq jáne Ońtústik Amerıka men Karıb basseıni kiretin Ońtústik qolbasshylyǵy aýmaǵyna «Ivodzıma» amfıbııalyq desant toby men teńiz jaıaý áskeriniń 22-shi ekspedıtsııalyq otrıady jóneltildi. Bul kúshter daǵdarys jaǵdaıynda birlesken top retinde áreket etedi.

Áskerlerdiń naqty mindeti kórsetilmegen. Alaıda The New York Times basylymy osyǵan deıin Tramptyń Pentagonǵa latynamerıkalyq esirtki kartelderine qarsy áskerı áreketterdiń túrlerin daıyndaýǵa buıryq bergeni týraly jazdy.

Meksıka bolsa óziniń aýmaǵynda amerıkalyq kúshterdiń áreket etý múmkindigin joqqa shyǵardy.

Osyǵan deıin AQSh áskerı-teńiz kúshteri osy bólimsheniń Norfolkten Vırdjınııa shtatyna jiberilgenin málimdegen bolatyn. Al jaqynda Ońtústik qolbasshylyǵynyń kartelderge qarsy operatsııalar júrgizý úshin qosymsha resýrstarǵa ıe bolatyny anyqtaldy.

Osyǵan deıin AQSh-ta zańsyz júrgen mıllıonnan astam adam óz erkimen elderine qaıtqany týraly jazdyq.