Bloomberg: 25 jyldan keıin kún jáne jel energııasy óte arzan bolady
ASTANA. QazAqparat - 2040 jylǵa qaraı kún jáne jel energııalary óndirý quny 60 jáne 41 paıyzǵa tómendeıdi. 25 jyldan keıin olar elektr qýatynyń eń arzany bolady. Bul týraly Bloomberg Energy Finance daıyndaǵan «New Energy Outlook» baıandamasynda aıtylǵan.
Bul rette kómirdi óndirý jáne shyǵarý isi Eýropada tómendep, AQSh pen Qytaıda ázirge ósip jatyr, biraq 2020 jyldardan keıin tómendeıdi. Alaıda jalpyálemdik kórsetkish Azııa jáne Afrıkanyń damýshy elderiniń arqasynda ósetin bolady. Sonymen birge, kómir jáne munaı baǵalary sáıkesinshe 33 jáne 30 paıyzǵa tómendeıdi. Jalpyálemdik temperatýranyń joǵarylaýyn boldyrmaý úshin atmosferaǵa shyǵarylatyn qaldyqtardy qysqartýǵa búkil álemdegi bıznes pen memleketter 25 jylda 5,3 trln-ǵa jýyq dollardy ınvestıtsııalaýǵa tıis.
Aldaǵy 25 jylda elektr qýatyn paıdalaný ósedi. Ósim faktorlarynyń biri elektromobılderdiń taralýy bolmaq, onyń qajettiliginen adamdardyń elektrge suranysy 8 paıyzǵa artady. Osyndaı mashınalar 2015 jylmen salystyrǵanda 90 ese kóp satylady.
