Bloodhound LSR avtomobıli saǵatyna 790 shaqyrym jyldamdyqty baǵyndyrdy
NUR-SULTAN. QazAqparat - OAR-da Kalaharı shólindegi qurǵap qalǵan Hakskın-Pan kólinde dybystan da jyldam Bloodhound LSR avtomobıli saǵatyna 790 shaqyrym jyldamdyqpen júıtkip, óziniń rekordyn jańartty, dep habarlaıdy QazAqparat VVS-ge silteme jasap.
«EJ200 qozǵaltqyshy mashınany 790 km/s deıin jetkizdi. Búgingi basty maqsatymyz - aerodınamıkalyq qarsylyq pen tejeý parametrlerin ólsheý»,-degen pılot Endı Grınniń sózin keltiredi VVS.
Ár aınalym saıyn Grın jyldamdyqty burynǵysynan kóbirek arttyrǵan.
Endi Bloodhound LSR avtomobılin shyǵarýshylar qozǵaltqyshty raketamen jabdyqtap, 2020 jylǵy jazda álemdik rekordty jańartýdan úmitti. Ony da Grın basqaratyn bolady.
Brıtandyq mamandar qurastyrǵan Bloodhound LSR avtobobıliniń uzyndyǵy 14 metr, salmaǵy 7 tonna.
