Blokposttardaǵy jambyldyq polıtseılerdiń densaýlyǵy kún saıyn tekserilýde
TARAZ. QazAqparat –Jambyl oblysyndaǵy blokposttardaǵy kezekshiliktegi polıtsııa qyzmetkerleriniń densaýlyǵy kún saıyn tekserilýde, dep habarlaıdy QazAqparat.
«Úsh dáriger men medbıkeden turatyn dárigerler brıgadasy polıtsııa qyzmetkerleriniń jaǵdaıyn tekserip, kún saıyn barlyq blokposttardy aralaıdy. Bul týraly oblystyq polıtsııa departamentiniń baspasóz qyzmeti habarlady.
Blokposttarda qyzmet atqaratyn polıtsııa qyzmetkerleriniń densaýlyq jaǵdaıy Jambyl oblysy polıtsııa departamentiniń emhanalyq gospıtaliniń medıtsınalyq qyzmetkerleriniń kúndelikti baqylaýynda.
Oblystyq PD gospıtaliniń bastyǵy Aıgúl Máselbekovanyń aıtýynsha, medıtsınalyq brıgadanyń mindetterine polıtsııa qyzmetkerlerin tekserý, olardyń densaýlyǵynyń jalpy jaǵdaıyn anyqtaý, dene temperatýrasyn baqylaý, sondaı-aq koronavırýstyq ınfektsııadan qorǵaý boıynsha profılaktıkalyq sharalar kiredi.
«Ár 12 saǵat saıyn kezekshilikteri aýysatyn blokposttardaǵy polıtseıler bizdiń turaqty baqylaýymyzda. Búgingi kúni biz teksergen barlyq qyzmetkerlerdiń densaýlyqtary oıdaǵydaı, olardan shaǵym túsken joq. Únemi arnaıy aralap tekserip turýdaǵy basty maqsatymyz – bizdiń tártip saqshylaryn densaýlyqtaryn saqtaý», - dedi A.Máselbekova.
