Blokpostardyń alynýy: Qazaqstandyqtar qalypty ómirge qaıtyp kele me
«Shynynda da bizdiń qazirgi basty maqsat – eldi qalypty ekonomıkalyq belsendi ómirge qaıtarý. Sonymen birge azamattardy osy epıdemııadan qorǵaýymyz kerek. Áıtse de epıdemııaǵa qarsy sharalar, sonyń ishinde shekteý sharalary kúshinde qalady. Karantınniń birneshe kezeńi bar. El ishindegi qozǵalysty shekteýdi alyp tastaý – aımaqtar boıynsha koronavırýsty juqtyrý jaǵdaıy rettelip, teńesip qalǵanyn bildiredi. ıAǵnı adamdardy ary qaraı qozǵalystan shekteýdiń qajeti joq. Áıtse de eń birinshi kezekte jumysta, qoǵamdyq oryndar men kólikterde epıdemııaǵa qarsy sharalardy saqtaý erejeleriniń talaby kúshinde bolady. Ony saqtanýdyń mańyzy zor», - dedi Eljan Birtanov Densaýlyq saqtaý mınıstrliginiń Facebook paraqshasynda «Habar 24» arnasy tilshisiniń suraǵyna jaýap bere otyryp.
Mınıstrdiń aıtýynsha ókinishke qaraı jumys oryndarynda jumys berýshilerdiń keıbiri qyzmetkerleri úshin qaýipsizdik jaǵdaıyn qamtamasyz etpeıdi.
«Qoǵamdyq kólikterde de keıde adamdardyń tolyp turǵanyn kóremiz. Maskasyz júrgen adam qanshama. Saýda oryndarynda da bul talaptardy saqtamaı júrgender kóp. Mundaı jaǵdaıda óte qatań sharalardy iske asyrýǵa májbúr bolamyz. Eń bastysy – ınfektsııanyń taralýy qaýpi azaıǵannan keıin karantın tártibi jeńildetilip kele jatqanyn túsinýi kerek. Alaıda ınfektsııa eshqaıda quryp ketken joq. Adamdar onyń aýyr túrine de shaldyǵyp qalýy múmkin. Sondyqtan onyń aldyn alýdyń mańyzy óte zor», - dedi Eljan Birtanov.
Eske sala ketsek 1 maýsymnan bastap Qazaqstan qalalary arasyndaǵy blokpostar alynady. Bul jaıly Ortalyq kommýnıkatsııalar qyzmetinde QR IIDM Kólik komıteti tóraǵasynyń orynbasary Jánibek Taıjanov málim etken edi.