Blokpostar alynyp tastalǵannan keıin jol apaty kóbeıdi - Qazaqavtojol
NUR-SULTAN. QazAqparat – Blokpostar alynyp tastalǵannan keıin jol apatynyń sany artty, dep habarlaıdy QazAqparat «Qazaqavtojol» JShS-yna silteme jasap.
«Aıta ketý kerek, óńirlerde «Covid-19» pandemııasynyń aıasynda karantın sharasynyń engizilýine baılanysty avtomobıl joldaryndaǵy kólik qozǵalysynyń qarqyndylyǵy birneshe ese azaıdy. Jol-kólik oqıǵalarynyń sany ótken jylmen salystyrǵanda 15%-ǵa tómendep, al qaza bolǵandar sany 35% ǵana bolǵan.
Alaıda avtomobılderdiń qozǵalysyna degen shekteý sharalaryn alyp tastaý jáne kólik aǵynynyń artýy jol apaty sanynyń kúrt ósýine sebep boldy», delingen kompanııanyń Facebook -tegi paraqshasynda.
Statıstıkaǵa sáıkes, 1-7 maýsym aralyǵynda ǵana halyqaralyq jáne respýblıkalyq mańyzy bar joldarda 29 jol apaty bolyp, saldarynan 16 adam kóz jumǵan, 50 adam jaraqat alǵan.
«Jyl basynan beri 642 jol-kólik oqıǵasy oryn alyp, 193 adam qaıtys bolsa, óz kezeginde 2019 jyldyń osy ýaqytynda 309 adamnyń ólimimen 791 jol-kólik oqıǵasy tirkelgen. Mamyr aıy boıynsha salystyrsaq, osy jyly 95 jol-kólik oqıǵasy oryn alǵan, bul jaǵdaıda jaraqat alǵandar sany 150 jáne 25 adam qaıtys boldy, al 2019 jyldyń mamyr aıynda 154 jazataıym oqıǵa oryn alyp, 250 adam jaraqat alsa, 58 adam qaıtys boldy», delingen habarlamada.
Jyl basynan bastap eń kóp jol-kólik oqıǵalary kelesi oblystarda oryn alǵan: Almaty oblysynda (229 oqıǵa, 55 ólim), Jambylda (58 jaǵdaı, 10 adam qaıtys boldy); Shyǵys Qazaqstan oblysynda (57 oqıǵa, 18 adam qaıtys boldy) adam); Túrkistanda (55 oqıǵa, 22 adam qaza boldy), Aqmolada (49 oqıǵa, 8 adam qaza tapty).
Aıta ketý kerek, jol-kólik oqıǵasy negizinen jyldamdyq pen belgilengen tártipti buzý saldarynan oryn alady, ıaǵnı, jol erejesiniń talaptaryn saqtamaýǵa baılanysty júrgizýshilerdiń kinásinen bolady.
«Qazaqavtojol» jol erejesin buzǵany úshin jazany odan ári qatańdatýdy, sonymen qatar respýblıkalyq mańyzy bar avtomobıl joldarynda quqyq qorǵaý organdarynyń (jol-patrýldik qyzmeti) baqylaýyn kúsheıtýdi usynady.
«Jol qaýipsizdigin qamtamasyz etý jáne respýblıkalyq mańyzy bar avtomobıl joldarynda keshendi maqsatty baǵdarlamany júzege asyrý maqsatynda jol jamylǵysyndaǵy aqaýlardy joıý jáne jol ortasynyń elementterin qurý jumystary júrgizilýde. Sonymen qatar, jol apattary qaýpin azaıtý maqsatynda zamanaýı jáne ınnovatsııalyq tehnıkalyq quraldar, mysaly, ıkemdi belgi baǵandary, kún sáýlesimen jumys jasaıtyn katafottar, lıýmınestsentti shý beldeýleri, jaryqdıodty jol belgileri jáne t.b. belsendi túrde engizilýde», delingen habarlamada.
