Blokpostan ótý quny 50 myń teńge: Petropavl ákimdiginiń qyzmetkeri kúdikke ilindi

NUR-SULTAN. QazAqparat –Petropavl ákimdiginiń qyzmetkeri blokposttan avtokólik ótkizgeni úshin para aldy degen kúdikke ilindi. Bul týraly ondaın brıfıngide QR Sybaılas jemqorlyqqa qarsy is-qımyl agenttiginiń Apparat basshysy Qýanysh Japaqov málim etti, dep habarlaıdy QazAqparat tilshisi.

Soltústik Qazaqstan oblysy boıynsha departament Petropavl qalasy ákimdiginiń laýazymdy adamyna qatysty sotqa deıingi tergeý amaldaryn bastady. Ol COVID-19 koronavırýs ınfektsııasynyń taralýyn aldyn alý jónindegi oblys ákimdigi Jedel shtabynyń múshesi ekeni anyqtaldy.

«Atalǵan adam karantındik blokposttar arqyly avtokóliktiń kedergisiz ótýine ruqsatnamany rásimdegeni úshin 50 myń teńge somasynda para aldy degen kúdikke ilindi. Bul blokposttar Petropavl qalasynan shyǵatyn joldarda ornatylǵan», - dedi Qýanysh Japaqov.