Blokpostan aınalyp ótpek bolǵan kólik temirjol ótkelinde turyp qaldy
KÓKShETAÝ. QazAqparat - Aqmola oblysynda tótenshe jaǵdaı rejımin buzǵan júrgizýshi 15 táýlikke qamaldy, dep habarlaıdy QazAqparat tilshisi oblystyq prokýratýranyń baspasóz qyzmetine silteme jasap.
Vedomstvonyń málimetinshe, aǵymdaǵy jyldyń 10 sáýirinde Stepnogor qalasynyń turǵyny «Leksýs» kóligimen karantın aýmaǵynan shyǵyp ketpek bolǵan.
«Stepnogor-Aqsý-Mamaı» tas jolynyń boıyndaǵy blokposta jol talǵamaıtyn kóliktiń júrgizýshisi qala aýmaǵynan shyqpaý jónindegi shekteýdi eskermeı, blokposty dala jolymen aınalyp ótpek boldy. Alaıda, temirjoldyń ruqsat etilmegen tusynan óte bergende kólik turyp qaldy. Osy kezde temirjoldyń boıymen teplovoz júrip kele jatty. Mashınıst der kezinde tejegishti iske qosyp, toqtaýǵa májbúr boldy»,- deıdi vedomstvodan.
Prokýratýradan atap ótkendeı, kólik júrgizýshisi ustalyp, ústinen QR ÁQbK 476-babynyń 1-bóligi boıynsha ákimshilik hattama toltyrylǵan.
«Stepnogor turǵyny tótenshe jaǵdaı talabyn buzyp qana qoımaı, temirjol baılanysy jumysyna kedergi keltirip, óziniń ómirine qaýip tóndirdi. Mashınıstiń qyraǵylyǵynyń arqasynda aman qaldy. 13 cáýirde Stepnogor qalalyq sotynyń sheshimimen zań buzǵan júrgizýshi 15 táýlikke qamaldy», - dep tolyqtyrdy vedomstvodan.
