Blokpostaǵy jol apaty: Jaraqat alǵan polıtseı aýrýhanadan shyǵady
ALMATY. QazAqparat - Almatyda blokpostaǵy jol apaty kezinde jaraqat alǵan úshinshi polıtsııa qyzmetkeri aýrýhanadan shyǵýǵa daıyndalyp jatyr, dep habarlaıdy QazAqparat tilshisi.
«Qazir naýqastyń jaǵdaıy jaqsy. Esin jıǵan. Jan-jaǵyn baǵdarlaı alady.
Nevrologııalyq sımptomatıka tómendedi. Astenovegetatıvti sındrom azdap saqtalǵan. Búgin aýrýhanadan shyǵady», - dedi qalalyq qoǵamdyq densaýlyq saqtaý basqarmasynyń baspasóz qyzmetinen.
Eske salaıyq, 25 mamyr tańǵy saǵat 05:26-da BMW markaly kóliktiń 28 jastaǵy júrgizýshisi mas kúıinde blokpostaǵy polıtsııa kóligine soǵyldy.
Saldarynan eki polıtsııa qyzmetkeri kóz jumdy.
Al zardap shekken úshinshi polıtseı jaqynda aýrýhanada esin jıdy.
Keıin QR Іshki ister mınıstri Erlan Turǵymbaev qylmystyq istiń mán-jaıyn tergeýdi Іshki ister mınıstrligi ózine alǵanyn málim etti.
Jaqynda polıtsııa departamenti kúdikti týraly maǵlumat taratqan bolatyn. Olardyń málimdeýinshe, kúdikti qylmys bolardan 4 kún buryn qyzmetinen bosatylǵan.
