Blokpostaǵy jol apaty: sýdıa eks-polıtseıdi nege 10 jylǵa sottaǵanyn túsindirdi
ALMATY. QazAqparat – Qarasaı aýdandyq sotynyń sýdıasy Azat Azamatovqa qatysty sot úkimin túsindirdi, dep habarlaıdy QazAqparat tilshisi.
Sýdıa Azamatovtyń kinási tolyǵymen kýágerlerdiń sózimen, saraptama qorytyndysymen dáleldengenin aıtty.
«QR QK 345-babynyń 1-babynyń 4-bólimimen 10 jylǵa deıin bas bostandyǵynan aıyrý jazasy kózdelgen. Aıyptaý aktisinde jazany aýyrlatý jaǵdaılary aıtylmady. Bul jaǵdaılardy sot ózi alǵa tarta almaıdy. Soǵan baılanysty sot prokýrorǵa aıyptaý aktisine ózgeris engizý úshin qosymsha ýaqyt bergen bolatyn. Jańa aktide Polıtsııa basqarmasyna keltirilgen iri kólemdegi shyǵyn týraly jazylǵan. Sýdıa bul aýyrlatý jaǵdaılaryn eskere otyryp maksımaldy 10 jylǵa bas bostandyǵynan aıyrdy. Bul atalǵan bap boıynsha eń shekti jaza», - dedi sotta.
Azamatov ómir boıy kólik aıdaý quqyǵynan aıryldy. Sýdıa jábirlenýshilerdiń azamattyq shaǵymyn túgel qanaǵattandyrdy.
Endi ol jábirlenýshilerge 66 mln teńge kóleminde moraldyq jáne materıaldyq ótemaqy berýge mindetteldi.
Qarasaı aýdandyq soty burynǵy polıtsııa qyzmetkeri Azat Azamatovty QR QK 345-babymen aıypty dep taýyp, 10 jylǵa bas bostandyǵynan aıyrǵany týraly jazǵan bolatynbyz.
Ol jazasyn qaýiptiligi orta dárejedegi túzeý mekemesinde óteıtin boldy.
Aıta ketý kerek, 25 mamyrda tańerteń BMW júrgizýshisi Almaty oblysynyń №4 blokpostyn soǵyp ketken bolatyn.
Jol apatynan polıtsııa qyzmetkerleri Jaras Janǵazıev pen Dastan Abdyqanov qaıtys bolǵan bolatyn.
Sondaı-aq, úshinshi polıtsııa qyzmetkeri Erbulan Seıdazym jaraqat alyp, aýrýhanadan jazylyp shyqty.
Marqum Dastan Ábdiqanovtyń áıeli Dınara Aman apatqa kináli adamnan moraldyq zııan keltirgeni úshin 37 mln teńge ótemaqy talap etken edi.
