Blokpostaǵy jol apaty: Mert bolǵan polıtseıdiń ákesi sottalýshydan 3,8 mln teńge talap etti
ALMATY. QazAqparat – Blokpostaǵy kólik apatynan qaza tapqan polıtseılerdiń biriniń ákesi júrgizýshiden 3,8 mln teńge talap etti, dep habarlaıdy QazAqparat tilshisi.
Sot otyrysynda jol apatynan kóz jumǵan polıtsııa qyzmetkeri Dastan Ábdiqanovtyń ákesi aıyptalýshy, eks-polıtseı Azamatov pen onyń týystary odan keshirim suramaǵanyn aıtty.
Sonymen qatar, ol ulynyń jerleý rásimine ketken 2,8 mln teńge men moraldyq ótemaqy retinde taǵy bir mıllıon teńgeniń ornyn toltyrýdy talap etti.
Sotta qaza tapqan ekinshi polıtseı Jaras Janǵazıevtyń jesiri de sóıledi. Ol óziniń kámeletke tolmaǵan úsh balasy bar ekenin aıtyp, 22,8 mln teńge surady.
Aıta keteıik, Azat Azamatovqa qatysty isti Qarasaı aýdandyq sotynyń sýdıasy Mádı Kóshekbaev qarap jatyr.
Aıta keteıik, biz buǵan deıin Azat Azamatovtyń óz kinásin tolyq moıyndaǵanyn jazǵan bolatynbyz. Marqum Dastan Ábdiqanovtyń áıeli Dınara Aman apatqa kináli adamnan moraldyq zııan keltirgeni úshin 37 mln teńge ótemaqy talap etken edi.
Eske sala keteıik, 25 mamyr kúni tańǵy saǵat 05:26 shamasynda BMW markaly kólikti tizgindegen 28 jastaǵy júrgizýshi mas kúıinde blokpostaǵy polıtsııa kóligin soqty. Sol jerde eki polıtsııa qyzmetkeri kóz jumdy.
Kýágerlerden jaýap alý jalǵasyp jatyr.
