Blokpostaǵy kólik apaty: úshinshi polıtseı jansaqtaý bóliminde jatyr
ALMATY. QazAqparat – Almatydaǵy blokpostaǵy jol apatynan taǵy bir polıtsııa qyzmetkeri zardap shekti, dep habarlaıdy QazAqparat tilishisi.
Almaty qalalyq Polıtsııa departamenti baspasóz qyzmetiniń málimetinshe, zardap shekken er adam esirtki bıznesine qarsy kúres basqarmasynyń qyzmetkeri Erbulan Seıdazym.
«Erbulan Seıdazym planshetpen ótip jatqan kólikterdi tekserip turǵan. BMW júrgizýshisi betonǵa soǵylǵanda, plıtalardyń biri ushyp qyzmetkerge tıgen. Taǵy bir boljam boıynsha, júrgizýshi birinshi Erbulandy qaǵyp, sodan keıin, polıtsııa kólimen soqtyǵysqan. Qyzmetkerge qatysty birneshe boljam bar. Tergeý jáne ekspretıza kezinde bári belgili bolady», - dep habarlady polıtsııa ókilderi.
Qazirgi tańda ol №7 qalalyq klınıkalyq aýrýhanasynyń jansaqtaý bóliminde jatyr. Jaǵdaıy óte aýyr dep baǵalanýda.
Eske salaıyq, búgin 25 mamyrda tańǵy saǵat 05:26-da BMW markaly kóliktiń 1992 jylǵy júrgizýshi mas kúıinde blokpostaǵy polıtsııa kóligine soǵyldy. Sonyń saldarynan eki polıtsııa qyzmetkeri kóz jumdy.
