Blokpostaǵy apat: Úshinshi polıtseı esin jıdy
ALMATY. QazAqparat – Blokposta zardap shekken, úshinshi polıtseı esin jıdy, dep habarlaıdy QazAqparat tilshisi.
«Naýqastyń jaǵdaıy turaqtaldy. Esin jıdy, suraqtarǵa jaýap bere alady. Qaı jaqta ekenin, ýaqyt qansha ekenin biledi. Biraq basy áli de aýyrady, sondaı-aq, basy aınalady. Palatada óz betinshe qımyldap, júre alady», - dep habarlady densaýlyq saqtaý basqarmasyndaǵylar.
Buǵan deıin, 26 jastaǵy polıtseı Erbulan Seıdazymnyń jansaqtaý bóliminen palataǵa aýystyrlǵany týraly jazǵan bolatynbyz.
Polıtseı aýrýhanaǵa aýyr halde jetkizilgen bolatyn. Dárigerler tekserý barysynda qosarlasqan jaraqat, bastan jaraqat, mıy soqqy alǵanyn anyqtap, shuǵyl túrde ota jasady.
Eske salaıyq, 25 mamyr tańǵy saǵat 05:26-da BMW markaly kóliktiń 1992 jylǵy júrgizýshisi mas kúıinde blokpostaǵy polıtsııa kóligine soǵyldy. Saldarynan eki polıtsııa qyzmetkeri kóz jumdy.
