Blokpostaǵy ahýal turaqty – Almaty polıtsııasy
ALMATY. QazAqparat – Jabyq turǵan Almatyǵa búgin oblys terrıtorııasynan turǵyndar lap qoıdy. Tótenshe jaǵdaı alynǵanyna birinshi kún bolǵanda qalaǵa kireberis kóshelerde kólik keptelisi paıda boldy, dep habarlaıdy QazAqparat tilshisi.
Vıdeo « Dorogı Almaty « pablıginde jarııalandy.
Almaty Polıtsııa Departamentiniń baspasóz qyzmetiniń habarlaýynsha, qalanyń aınalasyndaǵy 27 blokpost burynǵy rejımmen jumys istep tur.
«27 blokpost burynǵydaı jumys istep tur. Almaty áli karantınge jabyq. Qala turǵyndaryna tek resmı aqparat kózderine qulaq asýǵa keńes beremiz. Qoǵamdyq tártipti buzý deregi tirkelgen joq. Qazir blokpostardaǵy ahýal turaqty», - dedi PD baspasóz qyzmetinen.
Mundaı keptelister Almaty-Talǵar, Almaty-Altyn Orda tas joldaryndaǵy blokpostarda boldy.
Bul jerlerde polıtsııa men Ulttyq ulan sarbazdary avtokólik ıeleriniń ruqsat qujatyn tekserip, dene qyzýlaryn ólshep ótkizip jatyr.
