Blokposta temeki túrinde para alǵan Aqtóbe qalasynyń polıtsııa ınspektory ustaldy

NUR-SULTAN. QazAqparat - Aqtóbe oblysy boıynsha Sybaılas jemqorlyqqa qarsy qyzmet Aqtóbe oblysy Polıtsııa departamentiniń Jergilikti polıtsııa qyzmeti basqarmasynyń patrýldik polıtsııasynyń rota qyzmetiniń ınspektoryna qatysty sotqa deıingi tergeýdi júrgizip jatyr. Bul týraly QR Sybaılas jemqorlyqqa qarsy is-qımyl agenttiginiń jedel-tergeý qyzmetiniń nátıjeleri týraly ótken onlaın brıfıngte aıtyldy, dep habarlaıdy QazAqparat tilshisi.

«Atalǵan tulǵa aǵymdaǵy jyldyń 30 mamyrynda Aqtóbe qalasynyń shyǵa berisinde ornalasqan «№4 Magıstral» blokpostan arnaıy ruqsat qaǵazsyz kedergisiz júrý úshin jeńil kólik júrgizýshisinen quny 10 800 teńge bolatyn «Parlament» temekisiniń eki blogy túrinde para alǵan«, - deıdi QR Sybaılas jemqorlyqqa qarsy is-qımyl agenttigi 1-shi departamentiniń asa mańyzdy ister jónindegi tergeýshisi Danııar Bıǵaıdarov.

Onyń aıtýynsha, polıtsııa ınspektorynyń kináni tolyq moıyndaýyna baılanysty tutqyndalǵan joq.

»Sotqa deıingi tergeý jalǵasýda. Ózge aqparat tergeý múddesi úshin jarııalanbaıdy«, - deıdi ol.