Blokposta qaza tapqan 2 polıtseıdiń otbasyna páter beriledi – Almaty ákimi
ALMATY. QazAqparat – Almaty ákimi onlaın brıfıng barysynda blokposta bolǵan apattan qaıtys bolǵan eki polıtsııa qyzmetkeriniń otbasyna qandaı kómek kórsetiletinin aıtty, dep habarlaıdy QazAqparat tilshisi.
Qala ákimi kóz jumǵan polıtsııa qyzmetkerleriniń otbasylaryna kóńil aıtty.
«Óte ókinishti jaǵdaı. Otbasy men týystaryna qaıǵylaryna ortaqtasyp kóńil aıtamyn. Qala ákimdigi bul baǵytta jumys jasady. Kásipkerler tarapynan eki otbasyǵa 2 páter alyp berý týraly oılastyryp jatyrmyz. Sondaı-aq, týystar tarapynan aıtylǵan barlyq qarjylyq máselelerge barynsha kómek kórsetetin bolamyz», - dedi Baqytjan Saǵyntaev.
Eske salsaq, 25 mamyrda eki polıtsııa qyzmetkeri qaza tapqan Almaty oblysyndaǵy blokpostaǵy qaıǵyly oqıǵa baılanysty 3 laýazymdy qyzmetkerdiń jumystan ketkeni týraly habarlaǵan bolatynbyz.
Qaıǵyly oqıǵa 25 mamyr kúni tańǵa jýyq № 4 blokposta bolǵan. BMW júrgizýshisi mas kúıinde beton qorshaýǵa soǵylyp, sol ekpinimen patrýldik polıtsııa kóligin qaqqan. Sonyń kesirinen eki polıtsııa qyzmetkeri kóz jumdy. Úshinshi polıtsııa qyzmetkeri jansaqtaý bóliminde jatyr. Apatqa kináli júrgizýshi buryn polıtsııada jumys istegen.
Al búgin QR ІІM basshysy Erlan Turǵymbaev osy oqıǵaǵa baılanysty PD birqatar laýazymdy tulǵasyn qyzmetinen bosatty. PD basshysy men resmı ókilineqatań sógis jarııalandy
