Blokada nany Belarýs murajaıynyń jádigeri bolady
SANKT-PETERBOR. Qarashanyń 23-i. QazAqparat /Elena Mıagkova/ - Peterbordan Belarýs Respýblıkasynyń Brest qalasyna blokada nany attanady.
Nan Belarýs elinde qurylyp jatqan jańa murajaıdyń jádigerine aınalady.
«Ómir joly» birlesken ardagerler keńesi tóraǵasynyń orynbasary Sergeı Panın baspasóz máslıhatynda málim etkendeı, jaqynda Uly Otan soǵysynyń ardagerleri men Peterbor oqýshylary Brestke attanady jáne olar ózderimen birge Lenıngradty qorǵaǵan belarýstar týraly muraǵat materıaldary men 1942 jylǵy retsept boıynsha pisirilgen blokada nanyn alyp barady.
«Ol nan soǵys kezinde biz úshin daıyndalǵan retsept boıynsha Peterborda pisirildi. Onda un da, búgingiler úshin qalypty dámdeýishter de joq, biraq onyń dámi blokadashylarǵa jaqsy tanys», deıdi Panın.
