Blok beketti aınalyp ótpek bolǵan elordanyń úsh turǵyny 15 táýlikke qamaldy
NUR-SULTAN. QazAqparat - Blok beketti aınalyp ótip, qala aýmaǵynan shyǵyp ketpek bolǵan elordanyń úsh turǵyny 15 táýlikke qamaldy, dep habarlaıdy QazAqparat qalalyq polıtsııa departamentiniń baspasóz qyzmetine silteme jasap.
Nur-Sultan qalasynyń Polıtsııa departamenti qyzmetkerleri elorda aýmaǵyndaǵy karantın rejiminiń saqtalýy úshin qaladan shyǵyp ketý áreketin anyqtaý baǵytynda sharalar júrgizdi.
22 naýryzda saǵat 17:30-da Qaraǵandy qalasyna qaraı dala jolymen bara jatqan Renault Logan markaly kólik toqtatyldy. 30 jastaǵy elordalyq jolaýshy tasymalymen aınalysqan. Ol osy baǵyttaǵy blok beketti aınalyp ótip 50 myń teńge adam tasymaldamaq bolǵan.
Júrgizýshige qatysty QR Ákimshilik quqyqbuzýshylyq kodeksiniń 427-baby boıynsha ákimshilik hattama toltyryldy. Іs Nur-Sultan qalasy mamandandyrylǵan aýdanaralyq ákimshilik sotyna jiberildi. Renault Logan markaly kólik aıypturaqqa qoıyldy.
Sonymen qatar, osy kúni Qostanaı tas joly baǵytyndaǵy dala jolmen karantın aımaǵy shekarasyn jaıaý kesip ótpek bolǵan eki er adam ustaldy.
Nur-Sultan qalasy mamandandyrylǵan aýdanaralyq ákimshilik sotynyń qalýysy boıynsha barlyq quqyqbuzýshylar 15 táýlikke qamaýǵa alyndy.
Qazirgi ýaqytta tótenshe jaǵdaı kezinde Nur-Sultan qalasy aýmaǵynda blok beketti aınalyp ótetin yqtımal joldardy anyqtaý júrgizilip jatyr.
Polıtsııa departamenti tótenshe jaǵdaı jarııalanǵan kezde QR zańdaryn buzý isti aýyrlatatyn jaǵdaı dep eskeriletinin eskertedi.
