Blok beketter arqyly zat berip jiberýge bola ma
ALMATY. QazAqparat - Almaty qalalyq Polıtsııa departamenti Ákimshilik polıtsııa basqarmasynyń basshysy Jandos Muratalıev blok beketterdiń jumysy jaıly keńirek túsindirdi, dep habarlaıdy QazAqparat tilshisi.
Onyń aıtýynsha, ázirge blok beketter arqyly zat alysýǵa bolady.
«Men osy jerde turǵanda 60 jastaǵy adam kelip 80 jastaǵy anasyna Talǵar qalasyna dári berýi kerektigin aıtyp ótinish jasady. Bul dáriler sol jaqtaǵy dárihanalarda joq eken. Mundaı jaǵdaıda árıne, biz túsinistikpen qarap, taýardy berip jiberemiz», - dedi ol.
Onyń aıtýynsha, blok beketteri arqyly belgili bir sebeptermen qaladan tys qalǵan balalardy da ótkizýge bolady.
«Tek qana balalar emes. Eresekter de bar. Mysaly, aýrýhanadan shyqqan Almaty oblysynyń turǵyndary ótip jatyr. ıAǵnı, 100 paıyz ótkizbeıdi degen túsinik joq. Beket arqyly ótpek bolǵan ár adamnyń máselesin jeke qaraýǵa tyrysyp jatyrmyz», - dedi Jandos Muratalıev.
Al 22 naýryzdan bastap qalaǵa kirip-shyǵýǵa múlde tyıym salynady. Sol ýaqyttan bastap sharalar kúsheıtiledi.
