«Blogshylar eldiń aqparattyq qaýipsizdigine alańdaıdy»-respýblıkalyq basylymdarǵa sholý
***
«Egemen Qazaqstan» gazetiniń búgingi sanynda «Saılaýshylardyń sanasy bıik» degen taqyryppen maqala basyldy. Onda Qazaqstan Prezıdenti janyndaǵy Strategııalyq zertteýler ınstıtýtynyń qazaqstandyqtardyń elektoraldyq artyqshylyq berýlerine arnalǵan sotsıologııalyq zertteýiniń ekinshi kezeńiniń nátıjeleri berilgen. Basylymnyń jazýynsha, Qazaqstannyń barlyq óńirlerin tepe-teń qamtyǵan 1500 respondenttiń saýalnamasy 14-20 naýryz aralyǵynda ótkizilgen. Saılaý ýchaskelerine kelý jaıyndaǵy suraqqa berilgen jaýaptardyń salystyrmaly taldamasy saılaýshylar belsendiliginiń artyp otyrǵandyǵyn aıǵaqtaıdy. Qazirde respondentterdiń 75,8 paıyzy saılaý kúni saılaý ýchaskesine kelýdi nyq uıǵarǵan. Taǵy 15,3 paıyzy daýys berýge qatysýǵa beıim. Osylaısha, saılaýshylardyń 90 paıyzy bıik sana deńgeıin tanytyp, aldaǵy saılaýda ózderiniń azamattyq boryshyn oryndaýǵa ázir ekendigin aıtýda.
Osy basylymnyń habarlaýynsha, Nursultan Nazarbaevqa halyqtar arasyndaǵy beıbitshilik pen kelisimdi nyǵaıtýǵa, jahandyq órkenıetter únqatysýyn ornyqtyrýda álem jurtshylyǵynyń kúsh-jigerin biriktirýge qosqan úlesi úshin «Órkenıetter únqatysýy» Halyqaralyq qoǵamdyq forýmynyń syılyǵy tapsyryldy. Bul syılyqty Aqordadaǵy qabyldaý kezinde «Reseı temir joldary» AAQ prezıdenti Vladımır ıAkýnın tapsyrǵan. Aqparattyq materıal «Halyqaralyq syılyq tapsyryldy» degen taqyryppen berilip otyr.
***
«Kúıbeńi kóp Kóltaban máseleleri qashan sheshiledi?». «Aıqyn» gazetiniń búgingi nómirinde osyndaı taqyryppen berilgen maqaladaAqsý aýdanyndaǵy Qyzylaǵashta byltyr bolǵan sý tasqyny jaıpap ótpese de, biraz kún jaıylyp, jatyp alǵan aýyldardyń biri - Kóltabannyń qazirgi jaǵdaıy baıandalǵan «Ondaǵy jurt ta ornynan qoparyla kóship, biraz ýaqyt basqa eldi mekenderdi panalaǵan bolatyn. Keıinnen sý ketken soń aýyldaryna oralyp, kúıbeń tirlikterine qaıta kiriskenderdiń joǵaryǵa aıtar aryz-shaǵymdary jetip-artylady eken», - delingen maqalada.
«Aıqyn» gazetiniń jazýynsha, búgingi tańda Qazaqstanda 300-ge tarta belsendi qazaqtildi blogshy bar. Bir ókinishtisi, qazaqsha blogtar áli de kommertsııalyq joba retinde damymaı otyr. Onyń ústine, azamattyq jýrnalıstıka ókilderi ǵalamtordaǵy «kúndelikterin» sheteldik, onyń ishinde amerıkalyq jáne reseılik blog-platformalarda júrgizýge májbúr. Aqparattyq qaýipsizdikpen úndes osy jáne ózge de ózekti máseleler el tarıhynda tuńǵysh ret uıymdastyrylǵan Blogshylar quryltaıynda jan-jaqty talqylandy. Bul jaıly tolyq maǵlumatty gazettiń búgingi nómirindegi «Blogshylar eldiń aqparattyq qaýipsizdigine alańdaıdy» degen maqaladan bilýge bolady.
***
«Alash aınasy» gazetiniń búgingi sanynda «Sybaılas jemqorlyqpen eýropasha kúresetin boldyq» degen taqyryppen maqala basyldy. Onda keshe Úkimet basshysy Kárim Másimovtiń tóraǵalyq etýimen ótken úkimet otyrysynda 2015 jylǵa deıingi jemqorlyqqa qarsy kúres salalyq baǵdarlamasynyń qabyldanǵany jazylǵan. «Agenttik tóraǵasy «Sybaılas jemqorlyq faktileri týraly habarlaǵan azamattardy kótermeleý jáne qorǵaý mehanızmderi, sonymen qatar memlekettik organdarda sybaılas jemqorlyqpen kúres úshin basshylardyń jaýapkershiligin bekitý tetikteri ázirlenetin bolady» - dep otyrǵan bul baǵdarlamanyń taǵy bir ereksheligi - ekonomıkalyq qylmys jasaǵan adam memleketke keltirgen zalaldy óz erkimen óteıtin bolsa, onda oǵan bas bostandyǵynan aıyrý jazasy qoldanylmaıtyn bolady», - delingen maqalada.
Sonymen qatar «Alash aınasy» gazetiniń turaqty «Dat» aıdarynda «Nazarbaev Zııatkerlik mektepteri» AQ basqarma tóraıymy Kúlásh Shamshıdınovadan alynǵan suhbat jarııalandy. Basylym tilshisiniń suraqtaryna tuşymdy jaýap bergen K. Shamshıdınova: «Álemniń zııaly hám bilimdi ǵalymdary «ekinshi Arıstotel» dep ataǵan Ál Farabı babamyz : «Tárbıesiz bergen bilim qumǵa sińgen sýmen teń» degen eken. Endeshe bilimniń quzyreti bilim berýmen qatar, tárbıege de zor táýeldi bolmaq. Sondyqtan da, álemdik deńgeıde sapaly bilim berýmen qatar, taǵylymdy tárbıeni ushtastyryp júrgizgende ǵana bul baǵyttaǵy jumysymyzdyń nátıjesi jemisin beredi dep oılaımyn. Biz óskeleń órenderge sondaı tárbıeni eń birinshi kezekte eldik turǵydan berýi¬miz qajet. Budan bólek bala tárbıesine ata-ana da, ustaz da jaýapty ekenin umytpaıyq, aǵaıyn», - deıdi.
***
«Kazahstanskaıa pravda» gazetiniń jazýynshaMemleket basshysy Nursultan Nazarbaev keshe Almatydaǵy rezıdentsııasynda qala ákimi Ahmetjan Esimovti qabyldady. A.Esimov Prezıdentti megapolıstiń áleýmettik-ekonomıkalyq damý barysy, kólik ınfraqurylymyn damytý, qalanyń ındýstrııalyq jobalaryn iske asyrý, taıaýda bolyp ótken VII Qysqy Azııa oıyndary qarsańynda turǵyzylǵan Almatynyń sporttyq ınfraqurylymyn damytý týraly habardar etti. Kezdesýdiń qorytyndysy boıynsha Memleket basshysy Almaty qalasynyń ákimine birqatar tapsyrma berdi.
