Blogerlerdiń lotereıa ótkizýi qylmystyq sanatqa aýystyrylady

ASTANA. KAZINFORM – Qarjylyq monıtorıng agenttigi tóraǵasynyń orynbasary Jeńis Elemesov lotereıa ótkizgen blogerler úshin qylmystyq jaýapkershilik engiziletinin habarlady.

– Iá qaralyp jatyr (qylmystyq jaýapkershilik engizý). Bul másele boıynsha qazir basqa organdardan usynys jınalyp jatyr. Sodan keıin Úkimettiń qaraýyna jáne Májiliske shyǵaramyz. Qarjy pıramıdalaryna jarnama jasaǵanǵa qylmystyq jaýapkershilik engizdik. Bul jerde de sondaı qylmystyq jaýapkershilik qarastyryp jatyrmyz, – dedi Qarjylyq monıtorıng agenttigi tóraǵasynyń orynbasary Jeńis Elemesov Senat kýlýarynda.

Eske sala ketsek, 11 avtokólikti utysqa qoıyp, kýrs satqan blogerler Erbolat Janabylov pen Elmıra Tólegenovaǵa qatysty qylmystyq is qozǵaldy. Ázirge olarǵa eshqandaı bultartpaý sharasy qoldanylǵan joq. Blogerler el aýmaǵynan shyqqan joq.

Sondaı-aq búgin Senatta TMD elderiniń zańsyz qarjy aınalymyn anyqtaýǵa kómektesetin halyqaralyq ortalyǵyn qurý týraly kelisim bekitildi.