Blogerlerdiń jarnamalyq qyzmeti qalaı retteledi

ASTANA. QazAqparat - QR Ulttyq ekonomıka mınıstri Tımýr Súleımenov jarnamamen tabys tabatyn blogerlerdiń qyzmetine qatysty pikir bildirdi, dep habarlaıdy QazAqparat tilshisi.

Bul týraly suraqty mınıstrlik saıtyna jeli qoldanýshysy Botagóz Esenııazova joldaǵan bolatyn.

Onyń aıtýynsha, qazaqstandyq blogerlerdiń tanymaldyǵy olardyń bıznes júrgizý quralyna aınalyp barady.

«Taýarlar men qyzmetterdiń jarnamasy, onyń ishinde jasyryn jarnamalar da jasalady. Árıne, aqysy tólense. Bloger qyzmetiniń quny kontenttiń tanymaldyǵy, jazylýshylar sany, jarnama túrine (jasyryn, vıdeo, foto, baıqaý uıymdastyrý) qaraı ózgerip otyrady. ıAǵnı, mundaı qyzmet turaqty tabys ákelip otyr. Ekonomıkalyq qyzmet túrleriniń jikteýishine sáıkes, jarnama agenttikteri men BAQ-ta jarnama jarııalaý qyzmeti retteledi. Alaıda, blogerlerdiń qyzmeti bul sanatqa jatpaıdy. Osyǵan baılanysty, myna suraqtarǵa jaýap berýińizdi ótinemiz: Qazaqstandaǵy blogerler kásipkerlik sýbektileri bolyp sanala ma? Eger sanalsa, olardyń qyzmeti qaı normalarmen retteledi? Sanalmaıtyn bolsa, bul qyzmetti retteý boıynsha qandaı bir sharalar josparda bar ma?», - dep jazdy ol.

Suraqqa jaýap bergen mınıstr QR Kásipkerlik kodeksiniń 23-babyna sáıkes, Qazaqstan azamattary, oralmandar jáne kásipkerlikpen aınalysyp júrgen memlekettik emes kommertsııalyq zańdy tulǵalar jáne memlekettik kásiporyndar kásipkerlik sýbekti bolyp sanalatynyn aıtty.

«Kásipkerlik sýbekti bolyp sanalatyn jeke tulǵa qazirgi kodekste qarastyrylǵan tártip boıynsha jeke kásipker bolyp tirkeledi. Osyǵan baılanysty, blogerdi jeke kásipker retinde tirkeýde kásipkerlik sýbektine jatqyzýǵa esh quqyqtyq kedergi joq. «Jarnama týraly» QR Zańy el aýmaǵynda jarnama ornalastyratyn, taratatyn, jasaıtyn jeke jáne zańdy tulǵalardyń qyzmetindegi qarym-qatynastardy retteıdi. Osyǵan baılanysty, jeke kásipker retinde tirkelip, kásipkerlikpen baılanysty jumys istep  júrgen bloger qyzmeti qoldanystaǵy zańnamamen retteledi», - dep jazdy mınıstr.

Foto: pxhere.com