Blogerler sheneýnikterdiń jaqsy jumysyn kórsetkisi kelmeıdi – Ádep keńesi
TALDYQORǴAN.QazAqparat - Kásipkerlerge «basymdy qatyrmańdar» degen Almaty oblysynyń bas sanıtarııa dárigeriniń isin qaraǵan departament basshysy blogerler jaıly óz oıyn bildirdi, dep habarlaıdy QazAqparat tilshisi.
«Memlekettik qyzmetshilerdiń jasalyp jatqan jaqsy jaǵyn bizdiń qoǵamdaǵy azamattar kórgisi kelmeıdi. Tek qana sondaı synı materıaldardy, posttardy ǵana jarııalaıdy. Búgingi kúni qoǵamda óte osyndaı synshylar kóbeıdi. Ne istese de barlyq jaǵdaıda mindetti túrde kemshilikti izdeı bastaıdy. Al memlekettik qyzmetshilerdiń nemese aýyldyq okýrg ákimderiniń jasap jatqan jaqsy isterin olar ózderiniń posttarynda jarııalamaıdy. Ol týraly aıtqylary kelmeıdi. Ol týraly kórsetkisi kelmeıdi»- dedi QR Memlekettik qyzmet isteri agenttigi Almaty oblysy boıynsha departamentiniń basshysy, Almaty oblysy boıynsha Ádep jónindegi keńestiń tóraıymy Lıazzat Beısequlova.
Aıta keteıik, búgin Taldyqorǵanda Almaty oblystyq bas sanıtarııa dárigeriniń isi ádep keńesinde qaraldy.
Keńes músheleriniń barlyǵy Erǵalı Sydymanovtyń áreketin talqylap, memlekettik qyzmetshi etıkasyn saqtamaǵany úshin «qatań sógis» berýdi usyndy.
Endigi kezekte bul usynysty Densaýlyq saqtaý mınıstri qaraıtyn bolady.
Esterińizge sala keteıik, Erǵalı Sydymanovtyń kásipkerlerge «basymdy qatyrmańdar» degen beınejazbasy jelige tarap, áleýmettik jeli qoldanýshylarynyń narazylyǵyn týdyrǵan bolatyn.
