Blogerler salyǵy: komıtet habarlamasyn qaıtaryp aldy
ASTANA. KAZINFORM – Elimizde blogerlerge jiberilgen salyq tóleý týraly habarlama qate bolyp shyqty. Bul týraly Memlekettik kirister komıteti habarlaıdy.
- Qazaqstan Respýblıkasy Qarjy mınıstrliginiń Memlekettik kirister komıteti 2025 jylǵy 19 aqpanda 93 blogerdiń 9,8 mlrd teńgege qalyptatyrylǵan habarlamasy keri qaıtaryldy. Habarlamalardyń qaıtarylý sebebi – olardy jiberý jáne óńdeý protsesinde tehnıkalyq aqaýlardyń paıda bolýynan. Sonymen qatar tehnıkalyq aqaýlar joıylǵannan keıin 93 blogerge qatysty habarlamalar qaıta qalyptastyrylatynyn nazarlaryńyzǵa jetkizemiz, - dep túsindiredi Memlekettik kirister komıteti.
Osylaısha kirister komıteti blogerlerge salyq habarlamasyn qaıta qarap jatyr.
Aıta ketsek, birer kún buryn Memlekettik kirister komıteti tabysyn tómen kórsetken 594 blogerge qatysty 53,3 mlrd teńgeniń habarlamasyn jibere bastaǵan edi. Tekserý, salystyrý qorytyndysy boıynsha 594 tulǵanyń tabysynda 53,3 mlrd teńgege sáıkessizdik anyqtalǵan.
Búgin álem elderinde blogerler qandaı salyq tóleıtini taqybyryna sholý jasaǵan edik.
Eske salaıyq, byltyr tájikstandyq blogerler 440 myń dollar salyq tólegen.