Bloger Janabylov pen jubaıynyń soty keıinge qaldyryldy
ASTANA. KAZINFORM – Blogerler Erbolat Janabylov pen Elmıra Tólegenovanyń isi boıynsha sot qaraýy keıinge qaldyryldy. Bul týraly kezekti sot otyrysy kezinde málim boldy, dep habarlaıdy Kazinform tilshisi.
Sot isti qaraý kúnin aýystyrýǵa sheshim qabyldap, protsestiń keıinge qaldyrylǵanyn jarııalady.
Sot otyrysyn jalǵastyrý aldaǵy dúısenbi, 27 sáýirge belgilengen.
Aıta keteıik, 2025 jyly 11 avtokólikti utysqa qoıyp, kýrs satqan blogerler Erbolat Janabylov pen Elmıra Tólegenovanyń áreketi Qazaqstan Týrızm jáne sport mınıstrligi nazaryna ilikken bolatyn.
2025 jylǵy 26 tamyzda Erbolat Janabylovqa qatysty Ákimshilik quqyq buzýshylyq týraly kodeks boıynsha hattama toltyrylyp, is sotqa joldandy.
Al 2025 jylǵy 16 qazanda blogerlerge qatysty ákimshilik sıpattaǵy is qylmystyq óndiriske aýystyryldy.
Alaıda 13 naýryzda ótken aldyn ala sot tyńdalymynda Janabylovtardyń advokaty Gaýhar Aıtjanova isti prokýratýraǵa qaıtarýdy suraǵan. Sot bul ótinishti qanaǵattandyrýdan bas tartty.
Osy jyldyń 16 naýryzynda blogerlerge qatysty qylmystyq is boıynsha sot protsesi bastalyp, kýágerler sóz sóıledi.
Al 30 naýryz kúni ótken kezekti sot tyńdalymyna kýá retinde Almatydan bloger Darhan Jolshybekov pen Nurbek Nurtaza keldi.
Osyǵan deıin erli-zaıypty bloger Janabylovtarǵa qatysty qylmystyq is boıynsha sotta Erbolat Janabylov málimdeme jasady. Al búgin Elmıra Tólegenova sońǵy sózin aıtty.
Prokýror bloger Janabylov pen áıelin 4 jylǵa sottaýdy suraǵan edi.
