Bloger taýyp alǵan qoqıqazdyń biri Almatyǵa joldy kótere almaı jan tapsyrdy
Aqtaýda bloger Azamat Sársenbaev aılaqtan taýyp alyp, úıinde ustaǵan qoqıqazdardyń qazirgi jaǵdaıy belgili boldy, dep habarlaıdy Kazinform.
Osydan biraz ýaqyt buryn Aqtaý turǵyny Azamat Sársenbaev úıirinen adasyp qalǵan qoqıqazdyń eki balapanyn taýyp alǵanyn habarlaǵan edik.
Olardy páteriniń jýynatyn bólmesinde ustap, teńiz ónimderimen qorektendirip kelgen. Sóıtip janýarlarǵa kútim jasaıtyn uıym-mekemelerge habarlasyp, qustarǵa qamqorlyq jasaýyn ótingen-di.
Almaty zoobaǵy bul úndeýge qulaq asyp, veterınarlar qoqıqazdardy Almatyǵa alyp ketti.
«Bizdiń mamandar Aqtaýdan ushaqpen qyzǵylt qoqıqazdyń eki balapanyn ákeldi. Alaıda olar ekinshi órbigen balapan bolýy múmkin, sondyqtan kúsh jıyp, qanaty qataıyp úlgermegen sekildi, sondyqtan tobymen birge ushyp ketýge shamasy jetpegen. Ókinishke qaraı, ondaı jaǵdaı bolady, bul qatygez qubylys tabıǵı suryptaý dep atalady», — deıdi zoobaqtyń baspasóz qyzmetinen.
Janashyr jan olardy óz páterinde panalatty. Biraq qoqıqaz — erekshe qus, qoregi de, ómir salty da erekshe. Kóp jyldan beri almatylyq haıýanattar baǵyn otany Ortalyq Amerıka sanalatyn 17 qyzyl qoqıqaz mekendep keledi.
Posmotret etý pýblıkatsııý v Instagram
«Qustardy alyp ketý týraly ótinishke qýana jaýap berdik, qoqıqazdardy tasymaldaý óte qıyn bolatynyn bilsek te, olardy úısiz qaldyra almadyq. Qoqıqazdyń biri joldy kótere almaı, haıýanattar baǵyna jetkende jan tapsyrdy. Bizdiń veterınarlar qoldan kelgenniń bárin jasady, biraq qusty aman alyp qalý múmkin bolmady. Bul shynymen de óte ókinishti jaǵdaı. Ekinshi balapan myqtyraq ári aqyldy eken. Tábeti jaqsy, qazirdiń ózinde jańa úıine ornalasyp jatyr. Tabıǵattan kelgendikten bir aıǵa jýyq karantınde mal dárigerleriniń baqylaýynda bolady. Odan keıin Amerıkadan kelgen týystarymen birge turady» delingen habarlamada.
