Bloger Qaısar Qamza Vetnamda qamaýda otyr — Syrtqy ister mınıstrligi
ASTANA. KAZINFORM — QR Syrtqy ister mınıstrligi zańsyz oıyn bıznesin uıymdastyrǵany úshin halyqaralyq izdeý jarııalanǵan bloger Qaısar Qamzanyń Vetnamda qamaýda otyrǵanyn málimdedi.
— Qolda bar aqparatqa sáıkes, bul azamat Vetnam aýmaǵynda qamaýda otyr. Qazirgi ýaqytta ony ekstradıtsııalaý máselesi qarastyrylyp jatyr. Ekstratsııa Bas prokýratýra quzyretinde jáne osy organdardan tıisti málimdeme bolady, — dedi QR SІM resmı ókili Erlan Jetibaev.
Buǵan deıin zańsyz oıyn bıznesin uıymdastyrǵany úshin halyqaralyq izdeýde júrgen bloger Qaısar Hamzanyń ustalǵany jaıly aqparat taraǵan.
Eske sala keteıik, Qazaqstan Qarjylyq monıtorıng agenttigi Qazaqstan Respýblıkasynyń azamaty, 1995 jylǵy 18 qyrkúıekte týǵan Qamza Baqytjanulyna halyqaralyq izdeý jarııalady.
Búgin QR Bas prokýratýrasy Vetnamda júrgen bloger Qaısar Qamzaǵa qatysty jaǵdaıǵa túsinikteme bergen edi.
