Bloger Qaısar Qamza isiniń qazirgi statýsy qandaı
ASTANA. KAZINFORM – Qazaqstan Bas prokýratýrasy Vetnamda júrgen bloger Qaısar Qamzaǵa qatysty jaǵdaıǵa túsinikteme berdi. Buǵan deıin bloger áleýmettik jelide oqyrmandaryna beıneúndeý joldap, qazirgi jaǵdaıy týraly aıtyp bergen edi.
Vedomstvonyń redaktsııa saýalyna bergen jaýabynda Qazaqstan tarapynyń Vetnamǵa Qaısar Qamzany ekstradıtsııalaý týraly resmı suraý joldaǵany aıtylǵan. Ol zańsyz oıyn bıznesin uıymdastyrdy degen kúdikke ilingen.
- Qazirgi ýaqytta Vetnam tarapy atalǵan suraý boıynsha sheshim qabyldaǵan joq. Kúdiktige jarııalanǵan izdeý toqtatylǵan joq, - delingen Bas prokýratýranyń jaýabynda.
Bas prokýratýra ókilderiniń málimetinshe, Qazaqstan Respýblıkasy men Vetnam Sotsıalıstik Respýblıkasy arasyndaǵy 2017 jylǵy 15 maýsymda jasalǵan ekstradıtsııa týraly kelisimde mundaı suraýlardy qaraýdyń naqty merzimderi belgilenbegen. Osyǵan baılanysty ótinish Vetnamnyń ulttyq zańnamasyna sáıkes qaralady.
Buǵan deıin zańsyz oıyn bıznesin uıymdastyrǵany úshin halyqaralyq izdeýde júrgen bloger Qaısar Hamzanyń ustalǵany jaıly aqparat taraǵan.
Eske sala keteıik, Qazaqstan Qarjylyq monıtorıng agenttigi Qazaqstan Respýblıkasynyń azamaty, 1995 jylǵy 18 qyrkúıekte týǵan Qamza Baqytjanulyna halyqaralyq izdeý jarııalady.
